![](https://blogger.googleusercontent.com/img/b/R29vZ2xl/AVvXsEj_7Yu55xoK04EbafqWTXbcoqEaQBlIoimXhnRPZ26DU-TBEHSm96mPN79hD6bi6QZIjNZLot9BGRg_VZPxUV9jlMwwIDUuN3YK7QIhfgFIS45zX3133P-zKZKN-Al8za8g9czMBns_mfZI/s320/biblioburro.jpg)
Somos un privilexiados. Non hai dúbida. E ás veces non nos decatamos dos privilexios e vantaxes que temos ó alcance da man e de cote ignorámolos ou directamente os despreciamos.
Vén isto a conto co feito de que estes días estámoslle a amosar o funcionamento e o material que temos na Biblioteca ós novos alumnos de 1º da E.S.O para que se animen a visitala, usala e participar nela ( e non só os de 1º, que isto vai por todos) pero resulta que non todos os rapaces o teñen tan fácil. En Colombia, nunha zona de difícil accesibilidade, teñen que facerlle chegar os libros á xente por outros medios. Dito de outra maneira: a biblioteca viaxa en burro. Botádelle unha ollada a este vídeo e veredes que non mentimos e que esta é unha historia real
Este mes celébrase o día da biblioteca. Un bo momento para que cousas coma estas nos fagan apreciar o que temos. Aquí tedes máis información sobre Biblioburro, por se vos quedastes con ganas de máis.
No hay comentarios:
Publicar un comentario