ÚLTIMAS ENTRADAS

O problema de xadrez de hoxe

Play online chess

SÍGUENOS

favoritos

Reunión do Club de Lectura

O xoves día 12 de decembro temos unha reunión do noso club de lectura Vixías das Letras. Non faltedes xa que temos novidades moi interesantes.



Resultados Torneo de Xadrez 2013

Rematou o torneo de xadrez deste ano cunha grande participación e asistencia de público. As emocionantes finais resolvéronse co triunfo de Miguel Castro en Bacharelato e Gonzalo Rodríguez na ESO.



Deixámosvos unhas fotos do torneo:


E un vídeo da emocionante final entre Gonzalo e Sergio que decidiu o gañador na ESO:

 

Resultados M(a)icrorrelatos Terror 2013

Despois dunha máis que meritoria participación, incluindo a landras que xa non habitan entre nós pero que nos segen a ler e nos levan no corazón  desde a lonxana Castela, xa temos o relato final do concurso de  M(a)icrorrelatos de terror deste ano. Xa sabedes que este ano decidimos facer un relato grande en cadea coas aportacións dos participantes, e aínda que nalgúns casos a coherencia do mesmo se veu un pouco resentida (aínda que non tanto como a saúde da pobre Uxía, a protagonista, a quen mataron polo menos tres veces) o resultado quedou bastante aparente.

Como non tiñamos moi claro cal era o mellor para darlle o premio, decidimos sortealo, e o afortunado foi... FERNANDO SOUTO VARELA de 3º ESO C.



Tamén decidimos outorgar un premio ó fragmento máis orixinal que foi para MARIO LOUREIRO FACAL que fixo, coma sempre, gala da súa característica sorna.

Os demáis tamén levaron o seu premio por participar e nós tamén quedamos moi contentos de que estas iniciativas vos sigan animando a participar. A continuación tedes o relato no que cada participante está identificado cunha cor distinta, as cales podedes descifrar ó final do mesmo.

Orfos de Doris Lessing

Hoxe o mundo quedou un pouco máis desamparado porque onte produciuse o pasamento de Doris Lessing. A autora británica, galardoada co Premio Nobel de Literatura no ano 2007, de formación autodidacta, foi unha das escritoras máis comprometidas do seu tempo. Defensora dos dereitos das mulleres, a través das páxinas dos seus libros denunciou as desigualdades e inxustizas que protagonizaron a historia do século XX, as cales coñecía ben polos seus anos pasados en África. Entre a súa abundante obra literaria, destaca O caderno dourado ou a pentaloxía Fillos da violencia. Muller de firmes conviccións e forte carácter, chegou a rexeitar a medalla da Orde do Imperio Británico argumentando "¿Imperio? Pero se non existe ningún imperio..."

Miguelanxo Prado, Premio Nacional de Cómic 2013

Miguelanxo Prado é o primeiro galego en facerse co Premio Nacional de Cómic que concede o Ministerio de Cultura. O galardón outorgóuselle pola súa obra "Ardalén", que xa recibira o premio á mellor obra de autor español no Salón do Cómic de Barcelona.
Recomendámosvos a lectura desta magnífica obra de carácter poético, na que se mezclan soño e realidade, memoria e olvido. E na que destaca a delicadeza do seus debuxos e a mestría no uso da cor.

Pero tamén queremos recomerdarvos outras obras do autor que tedes dispoñibles na nosa biblioteca: "A mansión dos Pampín" que é unha visión humorística sobre a especulación inmobiliaria, "Trazo de tiza" que é a súa obra máis premiada ata o momento ou a película de animación "De Profundis" que el mesmo dirixiu, escribiu e debuxou, entre outras.




Mi(a)crorrelato de Terror

Xa está aquí o Samaín, que a algúns se lles da por chamar Halloween, coas súas pantasmas, espiritus que saen das tumbas, meigas e demáis seres do máis alá. E xunto con eles chega tamén o noso concurso de relatos

A diferencia de edicións anteriores, esta vez non vos propoñemos un concurso de microrrelatos, senón un relato único que poderedes ir completando en cadea. O principio da historia podédelo ver pinchando no seguinte enlace:



Se queredes participar, só tedes que continuar o relato publicando un comentario onde pon "Enter a comment" só debes seguir as seguintes normas:


-O número máximo de palabras que podes utilizar en cada continuación é de 100

-Podes participar cantas veces queiras, facendo as continuacións do relato que desexes, pero non podes facer dúas aportacións seguidas: polo medio ten que haber a de outro participante

-Deberás continuar no punto onde o deixou o participante anterior, de xeito que o relato sexa coherente.



HABERÁ PREMIOS PARA TODOS OS PARTICIPANTES E UN PREMIO ESPECIAL PARA O MELLOR!!!!

Torneo de xadrez 2013

Como todos os anos o 5 de novembro comeza o torneo de xadrez que organizamos en colaboración co Departamento de Matemáticas e Filosofía.


 Anímate a participar e apúntate canto antes nos formularios que están nas clases, na Biblioteca ou cubrindo os teus datos directamente aquí:



Tes de prazo para inscribirte ata o 30 de outubro.

Primeira entrada do curso ao grande: Alice Munro

Malia que hai xa case un mes que empezou o curso, parece que este ano andamos algo máis preguiceiros co blog, porque ainda non publicaramos nada, pero xa sabedes o que custa arrancar os motores cando levan unha tempada parados.

Aproveitamos agora que a ocasión o merece, xa que estes días vén de concedérselle o Premio Nobel de Literatura á escritora canadiense Alice Munro. Era unha habitual das quinielas todos os anos, pero xa se sabe que ós membros da academia sueca gústalles bastante xogar ó despiste e case nunca lle dan o premio ós "favoritos". Este ano parece que non foi así e puxeron a todo o mundo de acordo. Alice Munro é unha escritora universalmente recoñecida pola súa maestría en saber penetrar no máis profundo da alma humana a través de historias en apariencia sinxelas desenvolvidas en ambientes cotiáns, pero por debaixo de toda esa aparente calma desátanse as treboadas emocionais que a todos nos angustian.



E nós alegrámonos moito por ela, claro que si, porque é a decimoterceira muller en recibir o nobel de Literatura (meigas fóra) e porque ademáis é unha das grandes escritoras de contos, que é a base de toda a súa produción literaria e xa sabedes o que nos gustan aquí na Biblio os contos. Noraboa para Alice.

Entre medias tamén sucederon outras cousas algo menos alegres nestes días de principio de curso, como a morte do escritor colombiano Álvaro Mutis, que non quixemos reflectir aquí no seu día por non comezar o ano cunha noticia tan luctuosa. Malia que Mutis nunca recibiu o Nobel (pero si que era un dos grandes amigos doutro Nobel, o seu compatriota Gabriel García Márquez de quen, segundo se di era o privilexiado primeiro lector dos borradores das súas novelas) é un dos grandes da Literatura hispanoamericana e universal.



Pois iso, que imos arrancando pouco a pouco e a ver se o blog vai collendo velocidade de cruceiro porque, ademais este ano xa se ofreceron algunhas voluntarias para colaborar nel con algunha que outra entrada... e ata aquí podemos ler...

Deixámosvos cun poema lido de Álvaro Mutis:


Ata sempre...

Despois de pasar uns días conmocionada pola preciosa (e algo haxiográfica) despedida no blog, teño que escribir a miña derradeira entrada oficial. Prometo ser breve.

Só quero deixar constancia do que dixen publicamente: A Biblioteca Landra non só foi o meu segundo fogar ; tamén foi un estado non clasificable entre o sólido, líquido e gaseoso. Foi unha república na que conseguiron gobernar ao mesmo tempo o caos, a harmonía, a felicidade e o amor. Toda esta maxia sería imposible sen vós, os que vos achegades á biblioteca, os que participades nas actividades propostas, os que contaxiades a vosa ledicia e o voso entusiasmo. Vós sodes as auténticas tripas da biblioteca. E non temades: os prestidixitadores que a coidan aínda gardan moitas flores e fogos artificiais na súa chisteira.



A biblioteca xa forma unha parte orgánica e inseparable de min; vivirei con iso e faráme máis feliz. Seredes os meus favoritos, sempre…



Lembrade: Nihil est qui nihil amat... Gracias a todos polas infinitas e abrumadoras mostras de afecto que me deron e me darán calor cando haxa nubes no horizonte...



PURI


Remata o curso e coma sempre chegou o momento de despedirnos ata setembro, pero a diferenza de outros anos, nesta última entrada non vos imos recomendar libros, lecturas e outras actividades, porque hoxe queremos adicarlle estas liñas a alguén moi especial para todos nós que nos di non adeus, senón ata sempre.



Como xa sabedes case todos, despois de “unha temporadiña” en Carballo, Puri conseguiu praza noutro centro polo que se traslada á Coruña. Non vos imos falar aquí da magnífica profesora que é porque iso xa o coñecedes ben vós de sobra... vós e algún dos vosos pais que foron alumnos seus ou incluso alumnos de profesores que á súa vez tamén foron alumnos de Puri... nin dos seus inabarcables coñecementos literarios, nin das súas descacharrantes anécdotas de todo tipo nas que as bragas teñen un indudable papel protagonista, nin do seu apabullante dominio do cine Iraní, Pakistaní, Indostaní, Somalí, e ata Ceutí, nin da súa cruzada por aprender a aprender... Non, hoxe o que queremos é dicirlle o que ela xa sabe: que deixa aquí un baleiro imposible de encher, porque é certo que pode vir outro profesor que a substitúa pero hai un oco que non se ocupará porque Puri é unha desas poucas persoas que teñen algo intanxible que as fan únicas, pero que todos percibimos enseguida, unha cercanía cara os demáis que desborda o papel de simple profesora e nos revela á persoa en toda a súa humanidade. 





Nun labor ás veces tan ingrato como é o de ensinar, o de educar e formar a quen está case ás portas da vida adulta, o traballo de Puri foi moito máis alá de facerlles atractivas e interesantes unha lingua e cultura tristemente cada vez máis alleas e lonxanas para os alumnos de hoxe en día. Se ela o conseguiu con creces foi polo seu entusiasmo, optimismo e sobre todo polo seu inmenso corazón que nos gañou a todos. Así llo fixestes ver estes días nas unánimes mostras de afecto que lle adicastes, e nós, na Biblioteca, estamos orgullosos e emocionados. Por ela, e tamén por vós, por eses recoñecementos cheos de cariño e gratitude que vos engrandecen a vós e a ela.



Puri marcha, si, e todos sairemos perdendo porque na Biblio nada vai ser o mesmo, nin no Club de lectura, nin no blog, nin nas actividades coas que nos contaxiaba o seu entusiasmo. O que queremos que Puri saiba é que somos afortunados de ter vivido este tempo con ela, coñecela e compartir traballo, ilusións, alegrías e tamén algunha tristeza. Coñecela fíxonos mellores persoas, e iso quedará gardado para sempre en nós, non coma un tesouro, senón que será o tesouro da nosa biblioteca e dos nosos corazóns. Gracias, Puri, contigo todos os días foron domingo. Vale.



Refuxiados, absurdos, delirios...

Vamos deixar de novo que as imaxes e as palabras dos lúcidos falen por nós...




Paseando polo Bosque Animado

Aproveitando que o último libro do club deste ano foi O malvado Carabel , de Wenceslao Fernández Flórez, fomos visitar as paraxes que o inspiraron en Cecebre. Paseamos polo río Mero lendo algúns fragmentos do Bosque Animado (o referido á Santa Compaña, o da loita épica de Trut) , visitamos a Fundación Fernández Flórez guiados pola experta man de Alicia, xogamos ao croquet e si... bañámonos no río Mero a pesar de que as condicións climatolóxicas non eran precisamente favorables... A xornada resultou tan instructiva como placenteira. Moitísimas grazas, nenos, polo voso entusiasmo.









P.S. Se queredes a crónica oficial dun participante, tedes que visitar a nosa wiki...

Antonio Muñoz Molina: novo premio Príncipe de Asturias 2013

Antonio Muñoz Molina é un escritor coñecido por vós; os alumnos de segundo de Bacharelato tedes xa lido o seu libro "Plenilunio", incluído no corpus de lecturas que entran nas PAU. Agora vén de recibir o recoñecemento pola súa obra literaria que profundiza na condición humana con títulos como "Beltenebros", "El jinete polaco","El viento de la luna"... Noraboa, Antonio. Que a Fortuna te siga acompañando...

1º Foro da formación e empresa no Forumcarballo

Esta fin de semana celebrouse o 1º Foro da Formación e Empresa no Fórum de Carballo. Houbo talleres, conferencias, stands, intercambios e unha quedada informática o venres pola noite. A nosa biblioteca tamén estivo presente cunha pequena representación dalgunha das innumerables actividades que facemos ao longo do ano, como podedes ver nesta foto e nun álbum Picasa.


O departamento de matemáticas tamén participou cunha xincana de xogos matemáticos que tivo un emocionante final como podedes ver no seguinte vídeo:

Outro álbum ilustrado...

Non falamos dun calquera; falamos da marabilla que fixo Shaun Tan a propósito da emigración, un tema moi do noso país. Acabamos de mercalo para a biblioteca e confiamos en que o disfrutedes moitos de vós.






Se queredes unha información máis completa tedes este vídeo de YouTube:


Reunión do club de lectura

A próxima xuntanza do club será o mércores 29 de maio ás 11.30. Non faltedes: temos que elaborar estratexias...


Constantino Romero

Cedeu a súa inconfundible voz a tantos personaxes que forman parte das nosas vidas como Darth Vader, Terminator, Harry el Sucio, James Bond ou Mufasa; que desde aquí queremos facerlle esta pequena homenaxe.

A moitos nos fixo estremecer con este monólogo final da película Blade Runner: 

Día do libro 2013: Historias de onte e de hoxe

A nosa biblioteca decidiu homenaxear aos mitos clásicos neste día do libro de 2013. Hai centos de historias que se contaron durante miles de anos e que, nun principio, foron explicacións do mundo; e máis tarde alimentaron e seguen alimentando os soños e as manifestacións artísticas de todo tipo: pintura, escultura, música, teatro, cine, literatura...
Os nosos valerosos alumnos lanzáronse a interpretar varias destas historias e fixérono estupendamente. Poderedes ver as súas actuacións na nosa canle de YouTube e as fotos no álbum Picasa, pero como aperitivo ofrecemos este avance:


- A caixa de Pandora (3º ESO A):


 - Edipo e a Esfinxe (3º ESO B):
 

- Apolo e Dafne (dúas versións de 2º de Bacharelato B e C):



- O rei Midas (3º ESO C):


- Aracne (1º ESO B):


- Perseo ( 4º ESO C):


- Orfeo e Eurídice (1º Bacharelato B):











Día do libro: preparándonos...

Seguimos tomando prestadas as viñetas de Forges publicadas en El País para abrir boca e degustar o menú de mañá...


Viaxe a París

Deixámosvos unhas fotos da recente viaxe a París que fixeron os alumnos de 3º da ESO e de Bacharelato.


Get the flash player here: http://www.adobe.com/flashplayer

Sampedro marchou...

E a nós parécenos moi entrañable a despedida que lle da Forges e que se publica no periódico "El País" do día de hoxe. Descansa en paz, José Luis...


Reunión do club de lectura

O mércores 10 de abril, ás 11.30, teremos unha reunión do club para falar de asuntos varios. Esperamos que poidades vir todos; como sempre, haberá algunha sorpresiña...


Arte e sensacións...

Os alumnos de primeiro e segundo de Bacharelato (acompañados dos seus profesores) que acabades de chegar dunha fructífera visita a Segovia e Madrid, lembrade que podedes presentar na Biblioteca os traballos sobre o voso cadro preferido no Thyssen. Haberá, coma sempre, un pequeno obsequio para aquel que nos guste pola súa creatividade; ánimo e a escribir!!!



Bicentenario Verdi-Wagner

Organizada polos Departamentos de Ciencias Sociais-Xeografía e Historia e Música, durante esta semana poderedes disfrutar dunha exposición que se atopa na entrada do instituto realizada co gallo do bicentenario do nacemento de dous músicos ilustres: Giuseppe Verdi e Richard Wagner.

Para que dita exposición sexa o máis amena e participativa posible, poderedes cubrir uns cuestionarios cunhas preguntas cuxas respostas podedes atoapar en boa parte en dita exposición. O cuestionario é posible cubrilo e entregalo en papel, ou, coma xentiña do século XXI que sodes, podedes facelo todo on line comodamente sentados desde a vosa casa pinchando aquí ou na imaxe informativa que tedes no panel á vosa esquerda. Non esquezades que hai premios en xogo...

Ademáis desta, haberá outras actividades relacionadas coa música como o visionado duns fragmentos de ópera que poderedes seguir co libreto correspondente, e que se realizará na biblioteca.

Que o disfrutedes.

Medardo Fraile

Foi insuficientemente coñecido no noso país, en parte por vivir en Glasgow e en parte por ser un escritor de contos; pero nós non podemos deixar de agradecerlle os seus magníficos relatos "deconstruidos" e as súas narracións acerca do que non sucede. "Un empeza de novo en cada conto" ou " Cada liña é unha batalla" son frases do mesmo Medardo Fraile; deberiamos achegarnos a este interesantísimo escritor, ler as súas obras e evitar que caian no olvido e na nada. Descansa en paz, Medardo.


Día da muller

Debemos seguir recalcando cousas tan obvias como que os homes e as mulleres temos os mesmos dereitos e obrigas na sociedade. Debemos reseñar asimesmo que esta igualdade de oportunidades está moi lonxe de ser unha realidade no noso mundo. E debemos lembrar que as nosas antepasadas tiveron un camiño moi difícil que percorrer, e aínda así deixaron pegadas (que moitas veces a historia oficial se encargou de borrar coidadosamente) no noso mundo.


Queremos deixar constancia dun audio da UNED sobre mulleres exemplares na antiga Roma e un vídeo sobre a imaxe da muller na antiga Grecia:


Cambiando de época ; se queredes ver as magníficas viñetas do noso querido Forges, non tedes máis que premer este enlace.

Só nos queda desexar utopicamente que nun futuro próximo non haxa necesidade ningunha de ter un día adicado ás mulleres porque elas terán exactamente a mesma igualdade de oportunidades...


Acerca dos museos que visitaremos...

Os alumnos de Bacharelato (acompañados dos seus profesores) faremos unha viaxe de estudos á capital os vindeiros días; non puidemos conseguir entradas de grupo para o Museo do Prado, pero poderemos ir individualmente facendo a cola pertinente.


 E se non, aquí temos as disparatadas instrucións de Faemino e Cansado para colarse nun museo:


E se aínda así non conseguimos entrar, aquí temos unha lección sobre o Museo do Prado, dos mesmos mestres:


Iso si: recordade que as entradas para o Thyssen xa as temos aseguradas...

Concurso: Portada da Axenda Escolar 2013

A A.N.P.A. do instituto convoca un concurso para deseñar a portada da axenda escolar do próximo curso. Tedes as bases do concurso no seguinte enlace:

BASES DO CONCURSO DA PORTADA DA AXENDA ESCOLAR

Álbumes ilustrados IV

Nesta cuarta entrega dos álbumes ilustrados citaremos os seguintes:









Fase final do "Sabías Que..?"

Aquí tedes unhas fotos da emocionante fase final do noso concurso cultural "Sabías que..?" deste ano.




ir arriba