.png "English"){kind=small}
Aproveitamos agora que a ocasión o merece, xa que estes días vén de concedérselle o Premio Nobel de Literatura á escritora canadiense Alice Munro. Era unha habitual das quinielas todos os anos, pero xa se sabe que ós membros da academia sueca gústalles bastante xogar ó despiste e case nunca lle dan o premio ós "favoritos". Este ano parece que non foi así e puxeron a todo o mundo de acordo. Alice Munro é unha escritora universalmente recoñecida pola súa maestría en saber penetrar no máis profundo da alma humana a través de historias en apariencia sinxelas desenvolvidas en ambientes cotiáns, pero por debaixo de toda esa aparente calma desátanse as treboadas emocionais que a todos nos angustian.
E nós alegrámonos moito por ela, claro que si, porque é a decimoterceira muller en recibir o nobel de Literatura (meigas fóra) e porque ademáis é unha das grandes escritoras de contos, que é a base de toda a súa produción literaria e xa sabedes o que nos gustan aquí na Biblio os contos. Noraboa para Alice.
Entre medias tamén sucederon outras cousas algo menos alegres nestes días de principio de curso, como a morte do escritor colombiano Álvaro Mutis, que non quixemos reflectir aquí no seu día por non comezar o ano cunha noticia tan luctuosa. Malia que Mutis nunca recibiu o Nobel (pero si que era un dos grandes amigos doutro Nobel, o seu compatriota Gabriel García Márquez de quen, segundo se di era o privilexiado primeiro lector dos borradores das súas novelas) é un dos grandes da Literatura hispanoamericana e universal.
Pois iso, que imos arrancando pouco a pouco e a ver se o blog vai collendo velocidade de cruceiro porque, ademais este ano xa se ofreceron algunhas voluntarias para colaborar nel con algunha que outra entrada... e ata aquí podemos ler...
Deixámosvos cun poema lido de Álvaro Mutis:
4 comentarios:
Genial e interesante entrada :)
En cuando a Alice... como recalcaba A.Muñoz Molina: Su último libro, "Mi vida querida", "es prodigioso, de una calidad excepcional" y en sus páginas se refleja "la categoría que Munro tiene como persona y como escritora". "Estoy contentísimo. No me cansaría nunca de hablar de ella ni de leerla"
Eu tamén creo que o premio é merecidísimo; Munro regálanos horas de fascinación con todos e cada un dos seus libros. E agradecemento infinito asimesmo para Mutis; esperemos que agora sexa o compañeiro do seu Maqroll e viaxe polos seus mares misteriosos cheos de aventuras...
Al fin y al cabo... " Maqroll es también una región de lo imaginario, aunque creada mediante un habilísimo montaje de pequeñas y grandes realidades..."
Publicar un comentario