Gala do Sabías Que 2011

Aínda que pareza mentira xa remataron as catro semanas que durou o noso concurso cultural SABÍAS QUE, e para celebralo organizamos unha "fastuosa" gala na que tiñamos ata unha alfombra vermella. Foi un espectáculo de luz, son e sobre todo moita emoción.

Como mostra vos deixamos un vídeo que fixemos coas fotos dos tres primeiros clasificados de cada categoría. Poderedes ver o vídeo coas fotos de todos os grupos participantes no blog do SABÍAS QUE, algún dos participantes está irrecoñecible, supoñemos que é porque a gala coincidiu co festival de Entroido.

Desde aquí dicirvos que quedamos moi satisfeitos coa acollida que tivo o concurso este ano, e queremos agradecer a vosa participación e entusiasmo. Esperamos contar con vós en próximos concursos.